Неймар ўзининг "Сантос"даги илк машғулотига вертолетда келди. Бу ҳақда Globo Esporte нашри хабар бермоқда. Футболчи Рио-де-Жанейро штатидаги уйидан Сантус шаҳрига вертолетда келган. Бунга сабаб Неймар "Сантос" клуби жойлашган шаҳардан уй сотиб олишга улгурмаган. Кейинги ҳафтада Неймар Морро шаҳридан ҳашаматли уй сотиб олади.
Неймар ўз вертолетини 2019 йилда сотиб олган. Икки учувчи ва саккиз нафар йўловчига мўлжалланган вертолет ноқулай об-ҳаво шароитида ҳам парвозларни амалга ошира олади. Неймар машғулот учун бир соатга яқин йўл босган.
