Немисча табрикка – испанча миннатдорчилик

Унинг ишини давом эттираëтган Хосеп Гвардиола Хайнкесни мукофот билан табриклар экан,  “Бизда – Испанияда сени хатто ëш болалар ҳам танишади.”, - деб айтиб ўтди.

Хайнкес бўлса Гвардиоланинг бу сўзларидан боши осмонга етганини таькидлади.

“Пепнинг сўзлари мени жуда ҳам тўлқинлантирди. Шу боис мен ҳам унга испанчада ўз миннатдорчилигимни билдирдим. Чунки фаолият юритган клубингга сендан кейин келган ҳар бир мураббий ҳам сени бундай илиқ табрикламайди”, - дея Хайнкеснинг сўзларидан иқтибос келтирмоқда “Билд” нашри.

Айтиб ўтишимиз жоизки, Юпп Хайнкес ушбу мукофотни онаси хотирасига бағишлади.