Нега Исломбек Исмоилов "Қизилқум" билан ўйиндан кейин матбуот анжуманига келмади? Илҳом Зайлобиддинов жавоб берди

"Қизилқум"ни ғалаба билан табриклайман. Бугун иштиёқимиз катта эди, йигитлар майдонга фақат ғалабани ўйлаб тушишганди. Анча қийинчиликлар бўлди, биринчи таймда жуда яхши ўйнадик, 65-дақиқалардан кейин футболчиларимиз чарчаб қолишди. "Қизилқум" сўнгги дақиқаларда яхшироқ ўйнади. Мухлисларимизга раҳмат айтаман, бизни ажойиб тарзда қўллаб туришди. Раҳбариятимизга шундай шароитлар яратиб беришгани учун миннатдорчиик билдирамиз. Бугун ғалаба қозонамиз деб яхши ниятда тушгандик, афсус...мухлислардан узр сўраймиз.

Қийин ўйин бўлди. "Турон" футболчиларига ҳам раҳмат, улар меҳнат қилишди, омад рақибга кулиб боқди", - дейди Илҳом Зайлобиддинов.

- Исломбек Исмоилов "Турон" ютқазгани учун матбуот анжуманига келмадими ёки бошқа сабаб борми?
- Вазиятни кўриб турибсизку, албатта мағлубият қаттиқ таъсир қилди. Ҳозир унинг ҳолатини тушуниб турибман. Матбуот анжуманида қатнашиши қийин.

- Аслида "Турон"га тегишли бўлган Дониёр Исмоиловни ёзда қайтариш нияти борми?
- Буни вақт кўрсатади. Ҳозирча ким келади, ким кетади ўйлаганимиз йўқ. Фақат ғалаба ҳақида ўйлаяпмиз. Кубокда ютдик, аммо Суперлигада юта олмаяпмиз. Яхши ният билан тушаяпмиз, аммо ғалаба йўқ. Ҳамма нарса бўлмоқда, аммо охирида кўрдингиз нималар бўлди. Футболда кўп нарса омадга ҳам боғлиқ экан.