“Нефтчи”да бир қатор ўзгаришлар юз берди

Жумладан клуб директори вазифасида ишлаб келган Ҳикматулло Насриддинов ва шунингдек бунгача мураббийлар штабида фаолият юритиб келган катта мураббий Шамил Исеев, жисмоний тайёргарлик бўйича мураббий Элдор Сакаев, мураббий Диёр Мирзабоев ва матбуот котиби Аброр Деҳқонов билан  жамоа дўстона муносабатда хайрлашишга қарор қилди. Уларнинг клуб равнақи учун қилган хизматлари учун миннатдорчилик билдирган холда келгуси фаолиятларида омад тилаймиз.

Раҳбарият мураббийлар штабига маҳаллий ёш мураббийлар Сергей Лебедев, Баҳром Ҳайдаров ва Шерзод Раимжоновни жалб этди. Мухлисларга яхши маълумки ушбу трио жамоамиз учун бегона эмас. Сабаби уларнинг ҳар бири илгари футболчилик фаолиятининг асосий қисмини айнан “Нефтчи” жамоасида ўтказганди. Сергей Лебедев илгари мураббий сифатида ҳам ишалаганини ишқибозлар яхши билишса керак. Маълум танаффусдан сўнг мураббий яна жамоага қайтди.

Клуб техник директори лавозимида эндиликда Султон Зайлобидинов фаолият юритадиган бўлди. Жамоамизнинг янги мураббийлари ва бошқа ходимларига келгуси фаолиятларида омад тилаб қоламиз. 

Исломбек Рустамбеков, "Нефтчи" матбуот котиби.