"Нефтчи" бугун назорат баҳси ўтказди
21 май 2018 20:29
Янгиликлар

"Нефтчи" бугун назорат баҳси ўтказди

Теглар : Нефтчи

Фарғонанинг "Нефтчи" жамоаси Суперлиганинг 13-турига тайёрланмоқда.

25 май куни Баҳром Ҳайдаров шогирдлари "Истиқлол" стадионида "Сўғдиёна"ни қабул қилишади.

Айни кунларда фарғоналиклар бўлажак ўйинга тайёрланишмоқда. Қувонарли тарафи, жароҳатланган футболчилар секин-аста тикланишмоқда ва "Сўғдиёна" билан ўйинда иштирок этишлари мумкин.

21 май оқшомида "Нефтчи" "Истиқлол" стадионида икки таркибга бўлинган ҳолда ўзаро назорат ўйини ўтказди. Унда барча футболчилар тўлиқ иштирок этишди. Фақатгина Достон Турсунов бугун МТЖ ихтиёридан қайтиб келди ва эртадан таркибга қўшилади. Шу ўринда айтиш керакки, жамоа футболчиларининг кайфияти ҳам ёмон эмас.

"Нефтчи" матбуот хизмати