Назорат учрашуви. "Қўқон-1912" "Навбаҳор"ни мағлуб этди

Қўқонликларнинг бу галги рақиби – Наманганнинг “Навбаҳор” клуби бўлди. Ўртоқлик учрашуви мақомини олган бу галги “водий дербиси” ҳам шиддатли ва кескин курашлар остида ўтди. Жамоалар илк дақиқалардан ҳужумкор руҳда ўйин намойиш этишди.

Биринчи бўлим якунланиши арафасида Шоҳназар Норбеков рақиб дарвозасини ишғол этиб ҳисобни очди. Танаффусга жамоалар шу ҳисобда чиқиб кетишди.

Ўйиннинг иккинчи тайми ҳам худди биринчиси каби шиддатли ҳужумлар остида ўтди. “Навбаҳор” футболчиларида ҳисобни тенглаштириш учун бир қатор вазиятлар юзага келган бўлса, қўқонликларда ҳисобни ошириш учун қулай имкониятлар вужудга келганди. Аммо улардан фойдалана олмаслик оқибатида мухлислар бошқа гол куришмади. Шу тариқа, "Қўқон-1912" ушбу йиғин доирасидаги барча учрашувларда ғалаба қозонди.

Ўртоқлик учрашуви
“Қўқон-1912” – “Навбаҳор” – 1:0 (1:0)
Ҳакамлар: Ж. Мухторов, О. Абдувосилов, Ш. Аъзамов.
Назоратчи: М. Исмоилов.
Гол: Шоҳназар Норбеков (43).
“Қўқон-1912”: Ботирали Эргашев, Бобур Акбаров, Иван Йосович, Қувондиқ Рўзиев, Собит Синдаров, Суҳроб Нуруллоев, Суҳроб Бердиев, Шохназар Норбеков, Отабек Ҳайдаров, Александр Мерзляков, Шодиёр Ҳожиматов.
Захира: Ислом Абдуллаев, Хуршид Ходжаев, Азамат Исроилов, Жасур Ёқубов, Иқбол Маликжонов, Жаҳонгир Аҳмадов, Муҳаммаданас Ҳасанов, Жамшид Ҳасанов, Андрей Сидоров, Муҳаммаджон Султонов, Ҳамидулло Абдҳамидов, Зоҳид Абдуллаев.
“Навбаҳор”: Ўткир Юсупов, Хуршид Мухторов, Ғиёсжон Комилов, Мирзоҳид Ғофуров, Тоҳир Шамситдинов, Азимжон Аҳмедов, Сардор Теляков, Вилим Посинкович, Азизбек Турғунбоев, Вахит Оразсахедов, Ислом Исоқжонов.
Захира: Дилшод Ҳамроев, Ислом Абдуллахонов, Анвар Ҳожимирзаев, Комил Тожиддинов, Абдулҳай Исмоилов, Шаҳзод Ҳамидов, Ҳусайн Эргашбоев, Артём Шербак, Обид Жўрабоев.