Назорат учрашуви. “Қизилқум” – “Бухоро” 2:2
06 июл 2018 01:03
Янгиликлар

Назорат учрашуви. “Қизилқум” – “Бухоро” 2:2

Тошкенда ўқув-машғулот йиғинини ўтказаётган “Қизилқум” футболчилари йиғин доирасида учинчи назорат учрашувини “Бухоро” клуби билан ўтказишди.

Учрашувнинг бириничи бўлимида ҳисоб очилмаган бўлсада, иккинчи қирқ беш дақиқаликда дарвозаларга тўртта гол киритилди. 62-дақиқада бухоролик ҳимоячилар ўз жарима майдончалари ичида ўйин қоидасини бузишгач, белгиланган пеналтини Неманья Йованович аниқ амалга ошириб, ҳисобни очди. Орадан уч дақиқа ўтган сербиялик ҳужумчи дарвозабон билан бирга бир вазиятга чиқиб борди ва орадаги фарқни иккитага оширди -2:0.

77-дақиқада бухороликларнинг навбатдаги ҳужуми чоғида бош ҳакам ҳимоячимиз Акмал Рустамов ўз жарима майдончасида рақибга нисбатан қўполлик ишлатди деб топди ва дарвозамига пеналти белгилади. Шаҳбоз Эркинов орадаги фарқни қисқартирди -2:1. Ўйин охирларида Жавоҳир Қаҳрамонов чап қанотдан етказиб берилган тўпни Черемисин қўриқлаётган дарвозага аниқ йўллади -2:2.

Навоийликлар Суперлиганинг 16-турида 9 июль куни Тошкентда “Бунёдкор” меҳмони бўлишади.

“Қизилқум” матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +10