"Навбаҳор" водий клублари билан назорат ўйинлари ўтказади

Режага кўра бугун футболчилар дастлабки машғулотни “Навбаҳор” марказий ўйингоҳида ўтказишди. Дастлаб, югуруш йўлакчасида машқлар бажарилган бўлса машғулотнинг иккинчи қисмида ўйингоҳда жойлашган гимнастик залда шуғулланилди. Айни пайтда жамоа аъзолари “Динамо” ўйингоҳида кечки машғулотни ўтказишмоқда. Жамоамиз эртага ҳам шу тартибда шуғулланади. 9 январ куни эса мавсумлар оралиғидаги дастлабки назорат ўйини бўлиб ўтади. “Динамо” ўйингоҳида ўтказилиши режалаштирилаётган учрашувда футболчиларга биринчи лига вакили “Косонсой” жамоаси рақиб бўлади.

16 январ куни якунига етадиган йиғин давомида жамоа яна битта назорат баҳсида куч синашади. Яъни 14 январ куни футболчилар Қўқонда “Қўқон-1912” жамоаси меҳмони бўлишади. Жамоанинг кейинги йиғини эса 19-31 январ кунлари Тошкентда бўлиб ўтади Пойтахтдаги машғулотлар давомида эса ўртоқлик учрашувлари сони ортади. Қолаверса, Тошкентда муносиб рақиб борасида ҳам муаммолар юзага келмайди.