“Навбаҳор” мураббийлари фахрий ишқибозлари билан учрашди

Наманган шаҳридаги “Теннис корт” меҳмонхонасига таклиф этилган отахонлар билан жамоа бош мураббийи Рашид Ғофуров ва унинг ёрдамчилари Шуҳрат Мирхолдиршаев билан Мустафо Байрамов ҳам учрашди. Бир пиёла чой устида ўзаро суҳбатлашилди. Дастлабки йиғиннинг сўнгги кунида шу тариқа отахонларнинг оқ фотиҳаси олинди. Ишқибозлар “Навбаҳор” таркибидаги ўзгаришларга оид саволлар билан Рашид Ғофуровга мурожаат қилишиб, ўзларини қизиқтирган саволларга жавоб олишди. Хусусан бош мураббий асосий мақсади маҳаллий футболчилардан иборат курашчан жамоа шакллантириш эканлигини билдириб ўтди.

Эслатиб ўтамиз бугундан “лочинлар”нинг йиғини Тошкентга кўчди.