"Навбаҳор": “Машъал”га имкониятни бой бердик

Ўйин давомида қор кучли тарзда ёққан бўлсада, томонлар иккинчи маротаба учрашувни кейинроқ муддатга қолдиришни лозим топишмади. Ёдингизда бўлса 2 февралга режалаштирилган баҳс айнан об-ҳавонинг ноқулайликлари сабабли қолдирилганди. Учрашувнинг биринчи бўлимида Мўйдин Мамазулунов томонидан киритилган икки гол муборакликларнинг 2:0 ҳисобидаги ғалабасини таъминлади.

Учрашувни "Навбаҳор" қуйидаги таркибда ўтказди: Хуршид Хўжаев, Маҳсуд Ҳайитов, Азизбек Ғуломхўжаев, Тимур Яфаров, Роббим Ҳасанов, Азим Аҳмедов, Ориф Мамаджанов, Собир Ҳамидов, Илҳом Бойдедаев, Алишер Шоғуломов, Элёр Жаҳонов.
Захирадан майдонга тушганлар: Аъзам Алиев, Раҳматулло Бердимуродов, Ботир Тўрабоев, Отабек Валижонов, Алишер Маҳмудов, Абдумалик Абдуллаев, Дурбек Умаралиев.

Жамоамиз 10 февраль куни Зарафшоннинг “Қизилқум” клубига қарши назорат ўйини ўтказиш борасида келишувга эришган. Агарда об-ҳаво ноқулайликлари юзага келмайдиган бўлса ўйин белгиланган муддатда ўтказилади. Шундан сўнг футболчиларимиз янги ҳафтада старт оладиган ПФЛ кубогидаги иштирокларини бошлашади.