"Навбаҳор": Легионерлар бугун қайтишади

Бундай танаффусдан хорижлик футболчилар ҳам самарали фойдаланишди. Хусусан, жамоамиз шарафини ҳимоя қилаётган сербиялик легионерларимиз Дарко Станоевич ва Неманья Йовановичлар яқинлари билан кўришиш мақсадида уйларига жўнаб кетишганди. Бир неча кун давомида оила аъзолари даврасида дам олган легионерларимиз бугун куннинг иккинчи ярмида Тошкентга етиб келишди. Эртадан эса футболчиларимиз машғулотларда қатнашишни бошлашади. Бундан ташқари дастлабки кунги машғулотларда қатнашмаган Ойбек Қиличев ҳам сафга қайтади. Жароҳат сабабли бир неча ўйинларда майдонга туша олмаган ҳимоячи Ғиёс Комилов эса якка тартибда шуғулланмоқда. Яна бир жароҳатланган футболчи Рўзимбой Аҳмедов эса ҳозирча жамоа ихтиёрига қайтганича йўқ. Жамоамизнинг қолган аъзолари машғулотларда тўлақонли тарзда иштирок этишмоқда.