Наумов, Бердимуродов ва Кочнев “Олмалиқ” кўригида

Ўтган мавсумнинг иккинчи қисмини “Оқ-тепа”да ўтказган дарвозабон Михаил Наумов айни дамда “Олмалиқ” кўригида бўлиб турибди. Футболчининг айтишича, унинг клубда қолиш масаласи ҳозирча очиқлигича турибди. Агарда кўрикдан муваффақиятли ўта олсагина, битим имзоланади. Маълумот учун, 31 ёшли Наумов бунгача “Сурхон”, “Машъал”, “Насаф” ва “Сўғдиёна” каби жамоаларда ўйнаган.

Шунингдек сўнгги йилларни “Навбаҳор”да ўтказган Раҳматулло Бердимуродов ҳам олмалиқликларнинг машғулотларида иштирок этаётганини айтиш жоиздир. Чап қанот ҳимоячиси бўлган Бердимуродов ҳам ҳозирча кўрикдан ўтмоқда.

Бухоролик Евгений Кочнев ҳам булардан аввал “Олмалиқ” йиғинига келиб қўшилганини ҳам эътироф этиш лозим. Хориж клубига ўтиши кутилаётган Рўзимбой Аҳмедов ҳам айни дамда Игорь Шквирин ўтказаётган машғулотларда иштирок этиб турибди.