Ярим ҳимоячи ёзги трансфер ойнасида "Наполи"ни тарк этмоқчи. Бразилиялик хавбек ўзининг клубдаги ҳозирги ҳолатидан норози, чунки Женнаро Гаттузо келганидан кейин у жамоадаги ўрнини йўқотди.
Футболчининг клуб билан тузилган амалдаги шартномаси 2023 йил июнига қадар мўлжалланган.
Аллан 2015 йилдан бери "Наполи" аъзоси саналади. Жорий мавсумда 29 ёшли футболчи 24 та ўйин ўтказиб, битта гол ва битта ассист қайд этди.
Аввалроқ, "Эвертон" Алланни сотиб олишга қизиқаётгани ҳақида хабарлар тарқалган эди.
