“Наполи” форварди қаторасига иккинчи учрашувда хет-трик қайд этди

Жамоасининг “Терамо” клубига қарши кечган беллашувда ҳужумчи хет-трикка эришди. Августь ойида неаполликлар “Л’Акуила” клуби билан куч синашишган ва ўша беллашувда Осимхен саккиз дақиқа ичида уч бор рақиб посбонини ранжитган эди.

Эслатиб ўтамиз, “Наполи” Виктор Осимхенни 50 миллион евро эвазига “Лилль” клубидан сотиб олганди. Нигериялик ҳужумчиси 2019 йилнинг августидан буён француз клубида тўп тепиб келаётганди. “Лилль” ўз навбатида африкалик футболчини Белгиянинг “Шарлеруа” жамоасида 14 миллион еврога харид қилганди.

Жорий мавсумда ҳужумчи “Лилль” сафида барча турнирларда 38 та учрашувда майдонга тушди. 21 ёшли футболчи ушбу баҳсларда ўз ҳисобига 18 та гол расмийлаштирди, 6 та голли узатмани амалга оширди.