МЮ скаутлари Нкункуни "Лейпциг"нинг "Аталанта"га қарши ўйинида кузатишди

Alisher

15 апр 2022, 17:38

"Манчестер Юнайтед" скаутлари франциялик ярим ҳимоячи Кристофер Нкункунинг ўйинига баҳо бериш учун Европа Лигаси доирасидаги "Лейпциг" ва "Аталанта" баҳсига ташриф буюришди.

Манчестерликлар 24 ёшли француз билан ёзги трансфер ойнасида шартнома имзоламоқчи.

МЮда футболчини бош мураббий Ральф Рангник кўрмоқчи. Унга шунингдек 70 млн евро тўлашга тайёр бўлиб турган ПСЖ ҳам қизиқиш билдирмоқда.

Форварднинг "Лейпциг" билан тузган шартномаси 2024 йилга қадар мўлжалланган. Нкунку жорий мавсум "Лейпциг" сафида барча мусобақаларда 39та ўйинда майдонга тушиб, 26та гол ва 16та ассист қайд этди.