МЮ ҳаммуассислари дербидан олдин Манчестерга учиб келди
16 янв 11:51
Янгиликлар
МЮ ҳаммуассислари дербидан олдин Манчестерга учиб келди
INEOS ва сэр Жим Рэтклифф "Манчестер Юнайтед"нинг спорт йўналишидаги бошқарувини ўз қўлига олганига қарамай, клубнинг асосий улуши ҳали ҳам Жоэл ва Аврам Глейзерларга тегишли.
Одатда омма олдида кўп кўринмайдиган клуб ҳаммуассислари Майкл Кэррикнинг дебюти арафасида Манчестерга келишга қарор қилди.
"TalkSPORT" хабарига кўра, 2005 йилда "Манчестер Юнайтед"ни сотиб олган Малком Глейзернинг ўғиллари "Манчестер Сити"га қарши ўйин олдидан шаҳарга етиб келган. Айтилишича, уларнинг ташрифи Рэтклифф ва унинг жамоаси дуч келаётган ташкилий муаммолар билан боғлиқ.
Улар махсус учрашувда иштирок этишлари керак. Унда янги бош мураббий билан суҳбат ўтказилади, шунингдек, Рэтклифф ва унинг жамоаси билан биргаликда клубнинг келажак учун стратегияси белгилаб олинади. Бу ҳолат жорий мавсум "қизил иблислар" тақдирига қандай таъсир кўрсатиши ҳозирча номаълум.
Эслатиб ўтамиз, Манчестер дербиси эртага 17:30 да бошланади.
Ўхшаш янгиликлар
championat.asia
АПЛ. "Манчестер Сити" камбэк орқали "Энфилд"да "Ливерпул"ни мағлуб этди, Ҳусанов 61-дақиқада тўқнашувдан сўнг алмаштирилди
Элит ОЧЛ. "Насаф" турнирдаги дастлабки очкосини қўлга киритди
Роналду "Ал-Насср" раҳбариятига ультиматум қўйди: ёзда ўзгариш бўлмаса, у клубни тарк этади
"Реал" Родрининг "Манчестер Сити" билан шартнома узайтиришини барбод қилмоқчи
Фикрлар