МЮ бир ҳарф йўқлиги туфайли Хейлунд футболкасини бир ой сотмади

Даниялик 5 август куни 75+10 млн. евро эвазига "Манчестер Юнайтед"га ўтган эди. Трансфер содир бўлганига бир ойдан кўпроқ вақт ўтган бўлсада, манкунианлар дўкони ҳалигача футболчининг формасини сотмаяпти.

Малумотларга кўра, Хейлунд (Højlund) фамилиясини формага ёзиш учун ҳалигача дўконга "ø" ҳарфи етиб келмаган. Бундай вазият камида 8 сентябргача давом этди.

"Манчестер Юнайтед"дагиларнинг айтишича, шу кунларда керакли ҳарф омборга етиб келган ва тез орада футболчининг формаси сотувга чиқади.