МЮ 2 млрд фунт эвазига 100 000 ўринли янги стадион қурилишини эълон қилди

Клуб "Олд Траффорд" ҳудудини реконструкция қилиш лойиҳаси доирасида 100 минг томошабинга мўлжалланган арена қуриш ниятида эканлигини маълум қилди. Сешанба куни Foster + Partners архитектура гуруҳи бўлажак стадион ва унга туташ ҳудуднинг концептуал тасвирларини тақдим этди.

Янги стадион Буюк Британия иқтисодиётига йилига 7,3 миллиард фунт келтириши, қўшимча 92 минг иш ўрни яратиш ва 17 минг янги уй-жой қуриш имконини бериши кутилмоқда.

Қурилиш қиймати тахминан 2 миллиард фунт стерлингга баҳоланмоқда.

Foster + Partners раҳбари, архитектор лорд Норман Фостер қурилишни 5 йил ичида якунлашни режалаштираётганини айтди.