Мхитарян Германия чемпионати рамзий терма жамоасидан жой олди

Германия Бундеслигасининг расмий сайти якунланган мавсум рамзий терма жамоасини тузиб чиқди. 11 нафар энг кучли футболчилар сафидан Арманистон терма жамоаси аъзоси, Дортмунднинг “Боруссия” клуби ярим ҳимоячиси Генрих Мхитарян ҳам жой олди.

Эътиборга молик жиҳати шундаки, йил рамзий терма жамоаси икки клуб футболчиларидан таркиб топди. Қолган клуб футболчиларига эса унда жой топилмади. Тўлиқ таркиб мана шундай кўриниш ҳосил қилган:

Дарвозабон – Мануэль Нойер (“Бавария”);

Ҳимоячилар – Филипп Лам, Данте, Давид Алаба (ҳаммаси “Бавария”), Матс Хуммельс (“Боруссия Д”);

Ярим ҳимоячилар – Генрих Мхитарян, Марко Ройс (иккиси ҳам “Боруссия Д”), Франк Рибери, Арьен Роббен (иккиси ҳам “Бавария”);

Ҳужумчилар – Марио Манжукич (“Бавария”), Роберт Левандовски (“Боруссия Д”).



Эслатиб ўтамиз, Мхитарян якунланган мавсумда 9 та гол киритиб, яна шунча голга ҳаммуаллифлик қилган. Шунингдек, Генрих Чемпионлар Лигаси ва Германия Кубогида рақиблар дарвозасини икки маротабан ишғол қилган.