Мурод Тошматов: "Хориж йиғинининг самарасини чемпионатда кўрсатмоқчимиз"
18 фев 2014 08:05
Янгиликлар

Мурод Тошматов: "Хориж йиғинининг самарасини чемпионатда кўрсатмоқчимиз"

Хабарингиз бор, айни вақтда Бекободнинг "Металлург" клуби Туркиянинг Анталия шаҳрида ўқув-йиғин машғулотларини олиб бормоқда.

Жамоа сафига янги келиб қўшилган Мурод Тошматов Анталиядаги йиғин борасидаги фикрлари билан ўртоқлашди.

"Айни вақтда Анталиядаги йиғинда машғулотларга киришиб кетдик. Ҳозирча ҳаммаси яхши ва кўнгилдагидек кетмоқда. Жамоа билан шартнома имзоладим. "Металлург"га киришиб кетиш борасида ҳеч қандай муаммо бўлмади.

Бу клуб аллақачон бир-бирини тушуниб ўйнайдиган жамоага айланиб улгурган. Ҳар куни икки маротабадан машғулот олиб бораяпмиз. Куннинг биринчи ярмидаги машғулотлар асосан жисмоний ҳолатни оширишга қаратилмоқда ва иккинчи ярмида эса тўп билан ишлаш ва техникага катта эътибор қаратилмоқда.

Янги мавсумда "Металлург" билан чемпионатда ижобий натижаларни қайд этмоқчимиз. Бу йўлда хориж йиғинининг хизмати катта бўлади", - дея айтиб ўтади Мурод Тошматов.

Ҳавола :

Манба : championat.asia

Янгиликларни Телеграмда ўқинг!

Рейтинг: