Муҳаммаданас Ҳасанов: "Локомотив"нинг мақсади – мавсумни кучли учликда якунлаш"
22 янв 2022 19:19
Янгиликлар

Муҳаммаданас Ҳасанов: "Локомотив"нинг мақсади – мавсумни кучли учликда якунлаш"

Теглар : "Қўқон-1912" "Локомотив"Муҳаммаданас Ҳасанов

"Локомотив" ҳамда "Қўқон-1912" ўртасидаги ўртоқлик ўйинидан кейин (2:1) "темирйўлчилар" янги аъзоси ўз фикрлари билан ўртоқлашди.

- Муҳаммаданас, авваламбор, туғилган кунингиз билан табриклаймиз!

- Ассалому алайкум. Мана шундай эътибор учун каттакон раҳмат!

- Собиқ жамоангизга қарши ўйин ҳақида фикрингиз?

- Одатда собиқ жамоангизга қарши ўйнаш ҳар доим қийин бўлади, чунки мураббийлар ва раҳбарият қаршисида бошқача кечади. Айни вақтда “Локомотив” билан янги мавсумга астойдил тайёргарлик кўрмоқдамиз. Денис Коростиченкони берган кўрсатмаларини ўйинда тўлиқ бажаришга ҳаракат қилмоқдамиз.

- “Локомотив” билан янги мавсумда қандай мақсадларни қўйгансиз?

- Мақсадларимиз катта. Яъни, мавсумни кучли учликда якунлаш. Бунга эришиш учун қўлдан келганча ҳаракат қиламиз.

- Янги жамоага мослашиб кетиш жараёни қандай бўлмоқда?

- Бу борада клуб раҳбарияти ва мураббийлар штабидан миннатдорман. Улар қўлларидан келганча ёрдам беришмоқда. Жамоадошларим билан муносабатларим аъло даражада, муаммо кузатилгани йўқ.

Шу ўринда, “Қўқон-1912” жамоаси раҳбарияти ва мураббийлар штабига раҳмат айтаман. "Локомотив"га ўтишимни тўғри тушунишди ва рухсат беришди. Бу клуб доимо қалбимда қолади.

Ҳавола :

Манба : championat.asia

Янгиликларни Телеграмда ўқинг!

Рейтинг: +5