Муҳаммад Салаҳ 2,5 миллион фунт бонус олади
12 май 2018 16:19
Янгиликлар

Муҳаммад Салаҳ 2,5 миллион фунт бонус олади

"Ливерпуль" клуби форвард Муҳаммад Салаҳ ва ҳимоячи Виржил Ван Дейкнинг шартномаларида бонусларни белгилаб қўйган.

Унга кўра, Ван Дейк 15та қуруқ ўйин учун 250 минг фунт ишлайди, 18та ўйин учун 375 минг, 20та ўйин учун 500 минг ва 22та нолга ўйналган учрашув учун 750 минг фунт бонус олади. Жорий мавсум "Ливерпуль" голландиялик ҳимоячи таркибда бўлганида 8та қуруқ ўйин ўтказди.

Муҳаммад Салаҳ эса клубда ҳафтасига 123 минг фунт ёки йилига 6,4 миллион фунт ишлайди.

Салаҳ ҳозирнинг ўзидаёқ 2,5 миллион фунтлик бонусни активлаштириб бўлди. Яъни, унинг "гол-пас" тизимидаги очколари аллақачон 35тадан ошиб кетди (шартномада "гол-пас" тизимида 35 очко йиға олса 2,5 млн бонус олиши кўрсатилган). Бу маълумотларни "Daily Mail" нашри "Der Spiegel" ва "Football Leaks" китобига таяниб тарқатди.