МТЖ. Кеча "Ал Наср" стадионида машғулот ўтказилди

Бу сафар таркиб тўлиқ кўриниш олди. Қатар билан ўйинда иштирок этганларнинг аксарияти Бахтиёр Ашурматов билан ишладилар. Катта эҳтимол билан асосий таркибимиз Миржалол Қосимов қўл остида ҳаракат қилди.



Демак, қизиллар: Бобур Йўлдошев, Егор Кримец, Фозил Мусаев, Сардор Рашидов, Ислом Тўхтахўжаев, Фаррух Сайфиев, Жавлон Иброҳимов, Шуҳрат Муҳаммадиев, Наврўз Алимов ва Воҳид Шодиев.
Сариқлар: Шавкат Муллажонов, Салим Мустафоев, Акмал Шораҳмедов, Анзур Исмоилов, Сервер Жепаров, Азизбек Ҳайдаров, Одил Аҳмедов, Санжар Турсунов, Темур Кападзе ва Игорь Сергеев.



Асосий посбон Игнатий Нестеров Пётр Гизимчук билан ишлади. Суюнов ҳамда Тўраев юқоридаги жамоаларга қўшилиб машғулот ўтказишди. Ундан ташқари дарвозабонларнинг умумий машғулоти ҳам ўтказилди. Машғулотларда қисқа пас ва бир тўп ошириш йўли билан рақиб жарима майдончаси ичига кириб бориш борасида ишланяпти. Қанот футболига катта ҳам эътибор қаратилмади.



Машғулот сўнггида одатдагидек, Сервер Жепаров бир неча маротаба Игнатий Нестеровни синаб кўрди. Игнат эса табиийки синовдан муваффақиятли ўтди.