"Daily Star" xabariga ko'ra, portugaliyalik mutaxassis forvardni ushbu oydayoq xarid qilishni istamoqda. Chunki ayni damda "Tottenxem"da jarohatlangan Xarri Keynning o'rinbosari yo'q.
Joze Mourinyo "qirollik klubi" prezidenti Florentino Peres bilan aloqalari yaxshiligi sababli, transfer ishlarini tezlatmoqchi.
Ushbu mavsumda 22 yoshli futbolchi "Real" tarkibida 18 o'yinda 1 gol va 2 assistentlik qayd etdi. 2019 yili "Real"ga o'tgan forvardning klub bilan shartnomasi 2025 yilga qadar davom etadi.
