Моуриньо премьер-лигада янги мавсуми олдидан Арсен Венгер устидан кулди

Биринчи турда "Арсенал" 16 август куни "Кристал Пэлас" билан,  "Челси" эса 18 август куни "Бёрнли" билан ўйнайди.

Моуриньо интервью пайтида бу мавсум унга бошқалардан кўра каттароқ босим бўлишини таькидлади: "Нега? Баьзи бирлар нимадир ютиши учун уларда 10 йил бор. Менда эса - фақат 2 йил" - дейди португалиялик мутахассис.

Моуриньо бу сўзи билан Арсен Венгернинг 2005 йилдан буён бирор-бир совринга эга чиқмаганини ва шунга қарамай ҳозиргача "Арсенал" мураббийилигича қолаётганини эслатгандек бўлди. "Арсенал" 2013/14 йилги мавсумда омадсиз сериясини якунлаб Англия Кубогини қўлга киритди.

Моуринью ўтган мавсум "Челси" билан ҳеч бир совринга эга чиқмади. "Мен ишлашни, қуришни ёқтираман. Енгил иш ёқмайди. Олдинги мураббийларнинг ҳосилини йиғиш ҳам мен учун эмас. Мен "Порту" ўтган мавсумда 5 ўринни олганидан кейин, клубга устозлик қилдим. Мен Мадридга келганимда "Реал" қаерда эди? "Интер" келгунимга қадар қаерда бўлган? Мен "Челси"ни янгидан қуриш пайти келганида, жамоага келдим. Бу лигада ҳар мавсум чемпионлик учун тўртта,бешта ёки олтита жамоа курашади" - дейди Моуринью.