Моуриньо битта ўйинга дисквалификация қилинди

Бундай қарорга келинишига Жозенинг 10-тур доирасидаги “Вест Хэм”га қарши учрашувдаги хатти-ҳаракати сабаб бўлган. Шу тариқа, Моуриньо 12-турда “Сток Сити” билан бўлиб ўтадиган ўйинни трибунадан томоша қилади. Бундан ташқари, португалиялик мутахассис 40 000 фунт стерлинг жарима ҳам тўлайди.

Эслатиб ўтамиз, Жозе Моуриньо “Вест Хэм”га қарши кечган ўйиннинг танаффус чоғида ҳакамлар хонасига бостириб киришга урингани учун майдондан четлатилган эди. Ўша ўйинда “Челси” мағлубият аламини тотиб кўрганди.