Миср ФА президенти: “Реал” Салахнинг трансферини ёзда амалга оширади”
22 янв 2018 22:18
Янгиликлар

Миср ФА президенти: “Реал” Салахнинг трансферини ёзда амалга оширади”

Миср Футбол Ассоциацияси президенти Або Риданинг айтишича, “Реал” клуби “Ливерпуль” ҳужумкор ярим ҳимоячиси Муҳаммад Салахнинг трансфери юзасидан расмий таклифни ёзда юборади.

“Салах ўз устида ишлашда давом этиб, дунё тан олган футболчилар сафидан жой олишга интиляпти. Агар у фаолиятини “Реал”ада давом эттирса, бу Миср футболи учун ажойиб янгилик бўларди. Ишончим комил, “Қироллик клуби” ёзда бу трансферни амалга оширади”, – деди Рида.

Аввалроқ, Миср терма жамоаси бош мураббийи Эктор Купер “Реал” клубининг Муҳаммад Салахга жиддий тарзда эътибор қаратаётгани ва бу трансфер ўзини узоқ куттирмаслигини айтган эди.