UZ

Сўнгги янгиликлар

18:24Агуэронинг агенти "Барселона" билан музокаралар олиб бормоқда  0 18:19Olamsport: Конор - Порье жангига оид расмий маълумот, апрель ойида Ўзбекистон мезбонлигидаги турнирлар  0 18:03“Динамо” – “Шўртан” учрашуви бошқа муддатга қолдирилди  5 18:01Франция чемпионати. Энг қиммат ўйинчилар (топ-10)  1 17:45Турсунов — 1, Жокич — 7, Козак — 35...  3 17:39"Пахтакор" ва "Трактор"нинг энг қиммат футболчиларини биласизми?  31 17:38"Тоттенхэм" Моуриньюнинг ўрнига уч номзодни кўриб чиқмоқда  1 17:15Карикатура: ПСЖ бу сафар "Бавария"ни таслим этди  3 16:45Лотар Маттеус: "Бавария" Нагельсманни Фликнинг ўринбосари сифатида кўрмоқда"  8 16:20ОЧЛ-2021. Машарипов дастлабки 2 турни ўтказиб юборади  10 16:17"Тезкор студия". "Пахтакор" ОЧЛни ғалаба билан бошлайдими? "Трактор" билан ўйиндан олдинги ЖОНЛИ ЭФИР  19 16:14Ўзбекистонлик ҳакамлар Ҳиндистондаги ОЧЛ учрашувларини бошқаради  9 16:05"Зомин"ни Ўзбекистон кубогига олиб чиққан учрашувдан фотогалерея  0 16:00Рашидовда 35, Суюновда 19, Турғунбоев эса 0  34 15:50Модрич Мбаппенинг "Реал"га трансфери борасидаги маълумотларга изоҳ берди  5

Интервью. Мирзоҳид Ғофуров: “Навбаҳор” совринли ўринларни эгаллашга қодир” Янгиликлар

Интервью. Мирзоҳид Ғофуров: “Навбаҳор” совринли ўринларни эгаллашга қодир”

Хабарингиз бор, “Навбаҳор” жамоаси янги мавсум тайёргарлигини Туркиянинг Белек шаҳрида давом эттирмоқда.

“Лочинлар” мазкур йиғин доирасида бир қатор ўртоқлик учрашувлари орқали имкониятларини синовдан ўтказишмоқда. Жамоанинг етакчи футболчиларидан бири Мирзоҳид Ғофуров клуб матбуот хизматига берган интервьюсида Туркиядаги тайёргарлик жараёни, янги мавсум режалари ҳамда бошқа мавзулар юзасидан фикрларини билдириб ўтди.

- Янги мавсумга тайёргарлик қандай кечяпти?


- Машғулотларни кўтаринки кайфиятда давом эттиряпмиз. Туркияда кунига икки маҳалдан шуғулланяпмиз, бир нечта ўртоқлик учрашувларида майдонга тушиш орқали имкониятларимизни синовдан ўтказяпмиз. Тўғри, бўлиб ўтган ўйинларда имкониятни бой бердик. Аммо ўртоқлик учрашувларида асосан футболчилар бўлажак мавсум арафасида жисмоний формаларини тиклаб олиш, иложи борича жароҳат олмасликка интилиб, тўп суришади. Ахир, янги мавсум арафасида жароҳат олиш аламли, албатта. Шу боис, бундай ўйинларда натижа унчалик аҳамият касб этмайди ва бундан фожиа ясамаслик керак. Худо хоҳласа, расмий учрашувларда ижобий натижаларни қайд этамиз, деган умиддамиз.

- Сизнингча, “Навбаҳор”нинг ўтган мавсумдаги омадсизлигига нима сабаб бўлди?

- Мавсумни ёмон бошламагандик, бироқ, пандемия юқори даражали спорт формамизни сақлаб туришга халал берди. Узоқ муддат футболдан четда қолдик, якка ҳолда шуғулланишга мажбур бўлдик. Режаларимиз улкан эди, аммо коронавирус дунёнинг барча нуқталарида бўлгани каби, ўзбек футболи, жумладан, бизга ҳам салбий таъсир кўрсатди. Кейинчалик чемпионат марказлаштирилган ҳолда Тошкентда ўтказилди. Суперлиганинг айнан шу қисмида кўп очколар йўқотдик, жамоамиздаги футболчиларнинг аксарияти касал бўлиб қолишди. Ўтган мавсумдаги омадсиз иштирокимизга айнан шу омилни асосий сабаб сифатида кўрсатишим мумкин. Энди, насиб қилса, янги мавсумда ўша йўқотишлар ўрнини тўлдириш учун ҳозирданоқ астойдил меҳнат қиляпмиз.



- Ўтган йил сўнггида бор эътибор финал ўйини Наманганда ўтказилган Ўзбекистон кубоги беллашувларига қаратилганди. Аммо ушбу мусобақанинг чорак финалида “Насаф”га имкониятни бой бердинглар. Ўша ўйиндан сўнг, жамоа кийим алмаштириш хонасида қандай муҳит ҳукм сурди?

- Дарҳақиқат, ўша учрашувда чиройли ўйин намойиш этиб, устунликка эришган бўлсакда, буни ҳисобда акс эттира олмадик. Аслида, мақсадимиз стадионга йиғилган кўп минг сонли мухлисларни хушнуд этиб, уларга ғалаба улашиш эди. Бироқ ўша куни омад биздан очиқчасига юз ўгирди. Нима ҳам дердим, бу футбол, унда ғалаба ва мағлубият ёнма-ён юради. Кийим алмаштириш хонамизнинг “Насаф” билан ўйиндан кейинги ҳолати ҳақида гапирадиган бўлсам, табиийки, барчамиз ранжидик, ортиқча гапиришга ҳожат қолмаганди. Жараённи тасвирлаб беришга ожизман.

- Жамоа таркибида бир қатор ўзгаришлар юз бермоқда. Бу ҳақда нима дея оласиз?


- Таъкидлаш жоизки, ўтган мавсум ёнма-ён тўп сурган футболчиларнинг кўпчилиги ҳозир ҳам жамоадалар. Демак, таркиб ўзаги сақлаб қолинди. Замонавий футболда бу жуда муҳим ўрин тутади, чунки футболчилар бир-бирларини яхши тушуниб тўп суришади, уларнинг жамоа муҳитига мослашишлари учун вақт талаб этилмайди. Қолаверса, “Навбаҳор” таркибига бир қатор легионерлар ҳам жалб этилди, улар ҳам аста-секин жамоага мослашишмоқда.

- Сизнингча, жамоанинг айни пайтдаги таркиби совринли ўринлар учун курашишга қодирми ёки яна кучайтириш зарурми?

- Бу масалада мураббийлар фикр билдиришса, мақсадга мувофиқ бўларди, зеро, улар жамоанинг умумий ҳолати бўйича аниқ тасаввурга эгалар. Шахсий фикримни билдирадиган бўлсам, ҳозирги таркибимиздан ҳам маҳоратли ва тажрибали футболчилар, иқтидорли ёшлар ўрин олишган. Ўйинимизга ҳам аста-секин сайқал берилмоқда. Албатта, жамоамиз совринли ўринлардан бирини эгаллашга қодир. Асосий мақсадимиз шу, уни амалга ошириш учун бор кучимизни сарфлаймиз.

- Футболчилик фаолиятингизни ярим ҳимоячи сифатида бошлагандингиз ва кўп йиллар давомида ушбу амплуада тўп сургандингиз. Аммо 2018 йилдан буён “Навбаҳор” таркибида чап қанот ҳимоясида ўйнаяпсиз. Ушбу позицияга тезда мослашишингизда нима муҳим роль ўйнади – маҳоратми ёки жамоадошлар кўмаги?

- Футболчининг энг асосий вазифаси – жамоасига фойда келтириш, буни қайси позицияда амалга ошириш аҳамиятсиз. Авваллари мураббийлар ярим ҳимояда ўйнатишган, вазиятга қараб мослашганман, ушбу чизиқда тўп суриш орқали жамоага ёрдам берганман. Эндиликда ҳимоячи сифатида ҳаракат қиляпман. Мен учун энг муҳим нарса – жамоам манфаати йўлида тўп суриш, ғалабаларга ҳисса қўшиш. Бунинг учун агар дарвозабон ролини бажариш лозим бўлса, бунга ҳам тайёрман (кулиб).



- “Навбаҳор”нинг ҳозирги бош мураббийи Нўъмон Ҳасановнинг машғулотлари ва ўйин услуби ҳақида нима дея оласиз?


- Нўъмон Нурматович тажрибали мутахассис, ўз ишининг устаси. Унинг қўл остида ўтказилаётган машғулотлар қизиқарли кечади. Унинг ҳужумкор ўйин услубига кўпроқ эътибор қаратишини алоҳида эътироф этишим мумкин. Биласиз, ҳимоячи бўлишимга қарамай, тез-тез рақиб дарвозаси томон интилиб, ҳужумчиларга ёрдамлашишни яхши кўраман. Нўъмон Ҳасановнинг ўйин услуби менга бу борада айни муддао бўлмоқда. Бир сўз билан айтганда, ушбу мутахассис қўл остида тўп сураётганимдан мамнунман.

- Янги мавсумдан нима кутяпсиз?

- Мен “Навбаҳор”да тўп суряпман, бу жамоа эса ҳар доим ўз олдига юқори мақсадларни қўяди. 2021 йилда ҳам фақат юқори ўринларни кўзлаяпмиз. Суперлигада муносиб қатнашиш ниятидамиз. Юқорида таъкидлаганимдек, буни амалга ошириш учун кучли таркибга эгамиз, бу борада хотиржамман. Қисқача айтганда, янги мавсумдан фақат ижобий натижалар кутяпман.

Кези келганида, биз – футболчиларга барча шароитларни яратиб бераётган, Туркияда ўқув-машғулот йиғини ўтказишимизда амалий ёрдамларини аямаган Наманган вилоят ҳокими Шавкат Шокиржанович Абдураззоқов, шунингдек, “Навбаҳор” ПФК раҳбарияти, жумладан, клуб вице-президенти Отабек Арифович Саматовга жамоамиз номидан миннатдорчилик билдираман. Янги мавсумда уларнинг ишончларини оқлашга ҳаракат қиламиз.

- Мухлисларга тилакларингиз...

- “Навбаҳор”нинг фидойи мухлислари ҳамиша соғ-саломат бўлишсин. Тўғри, ўтган йилги натижаларимизнинг қониқарсиз тус олиши уларни ранжитган. Энди буни янги мавсумда тўғрилаб, ишқибозларга чиройли ўйин ва ёрқин ғалабалар туҳфа этиш ниятидамиз. Уларга энг эзгу тилакларимни билдираман, “Навбаҳор”ни қўллаб-қувватлашдан асло чарчашмасин. Уларнинг мадади ҳар доим бизга қўшимча куч бағишлайди.



“Навбаҳор” ПФК матбуот хизмати.

Рейтинг: -1   

Фикрлар

+12   
13 фев 15:44:19
Uznamcity
Navbahor uzbda Muhlislariga arzimaydigan yagona futbol klubi
+10   
13 фев 16:10:26
Отабек Махкамов
3 та клубга ютказиб, яна машгулотлар кутаринки кайфиятда утяптими,койиле
+9   
13 фев 15:41:20
Otabek live
krasniy bn o`yindan so`ng juda chiroyli, mazmunli, ishonarli gap bo`libdi.

Mayli, nima bo`lsa ham omad NAVBAHORga!!!
+7   
13 фев 16:56:38
Okilhon Akramov
Yutqizvurib kotarinki kayfiyat didi, yutqizvurib organib qobdi betam bezlashib ketibdi
+4   
13 фев 16:34:22
Komil Farhodjonov
afsuski AMALDA XECH NARSA BULMAYDI KUTMASAK XAM BULAVERADI BU YIL BU TURUWDA ESSIZ VAQT ESSUZ ASAB II WUNCHA XARAJATLAR UVOL BU NAVBAXORGA BIZGA ESA YANA SAABBRRRR
+4   
13 фев 16:16:41
ФАН*
Бундан чиқдики Навбаҳорни Туркияда рўбарў келган рақиблари жонини жабборга бериб ўзларини аямасдан майдонда харакат қилишгану навбаҳочилар эса ҳисоб мухим эмас муҳими соғлик деб қўл(оёқ) учида ўйин намойиш этишибдиларда-а.
ҚОИЛ ЛЕКИН.
+4   
13 фев 15:51:46
Yangiyo'l
Zaybalmasmi har yili shunday gapirib eee Novbahor
+4   
13 фев 15:46:01
Sheikh of Bukhara
Wu Navbahorga berilgan pullar Nasafga berilsa edi .Afsus 3 yildan ber Namangan xalqini pulini kokka sovurishyapti bu komandadan natija kutiw ozi bir azob busa kk ....
+4   
13 фев 15:42:52
Баходиржон 1912
Алдая-алда санларни депутатлардан фаркинг колмаяпти.
+3   
13 фев 16:04:35
Qudratilla Abdullayev
Har bahor, shu bo'lar Takror.
To'g'risi O'rtoqlarim bilan urishib yurib Navbahorga balet qilardim. Atrofimdagilar eee qo'ysangchi desa ham Navbahorga balet qilardim. TV da xonadoshlarim Yevro fudbol ko'rayotgan bo'lsa Navbahorni o'yini ko'rishga ko'ndirardim( juda iloji bo'lmasa 1 taym meni aytganim 1 taym ularni aytgani bo'lardi) Agar yutib qo'ysa keyingi o'yingacha maqtanib yurardim. O'yinni ko'rgan bo'lsam ham Navbahor mediani tayyorlagan videolarini Youtube dan topib ko'rardim. Nimanidir Hohlasangu lekin u bo'lavermasa Ko'ngil qolarkan. Ayniqsa Har yili 1 xil xatoni takrorlayverishsa.
Navbahorni yonini olib Shu saytda ham nechchi kishi bilan gap talashib qolganman. O'ylab ko'rsam bu Jamoa Mening bu jonkuyarligimga arzimaydiganlar qo'lida ekan. Menga o'xshagan Muxlislar anchagina topiladi. Vaqtingizni behuda sarflamang Hurmatli Vatandoshim...
Navbahor ham Ko'ngildan qolyapti...
+3   
13 фев 16:02:23
KhaDJii Fc PaxtakoR 2
Uznamcity фойдаланувчининг фикрига жавоб бериш
Navbahor uzbda Muhlislariga arzimaydigan yagona futbol klubi
Faqat Navbaxor emas! Andijon ham bor! Agar yuqori o'rinlar uchun kurashadigan klub bolsa Andijonni stadioni fantastik muxitni yarata oladi!
+3   
13 фев 15:51:25
Yangiyo'l
Zaybalmasmi har yili shunday gapirib eee Novbahor
+2   
13 фев 18:41:53
VARZIK98
Нумон ака кетса яхши кунлар келади бизнинг хам кучада байрам булади кетмаса 10 урин накд
+2   
13 фев 16:40:42
Жонажон УФА
Koʻzboʻyamachi kulub superligadigi bishqa klublarga oʻxshab
+2   
13 фев 16:06:14
7777
tilda ishlamay stadionda ishlanglar yulduzchalar
championat.asia
< сўнгги янгиликларни кўриш
Яндекс.Метрика