Миржалол Қосимов: "Зомин хотирамда бир умр қолади"

- Бугунги ғалаба билан мухлисларимизни, қолаверса футболчиларимизни табрикламоқчиман. Жуда оғир мавсумни бошдан ўтказдик. Лекин жуда унумли бўлди: кубокни қўлга киритдик, ёшларимиз чемпион бўлишди ва асосий жамоа ҳам олтин медалларга эга чиқди. Бу ютуқ биз учун жуда қимматли эди. Боиси ўтган мавсум ўз хатоимиз эвазига олтин медалларни бериб қўйгандик. Бу йил мухлислар учун жуда қизиқарли мавсум бўлди, деган бўлардим. Кураш охирги турларгача қизиқ давом этганини эслолмайман. Бугун бизни фақат ва фақат ўз ўйинимиз қизиқтирди. Бошқа вилоятлардаги ҳисобга эътибор қаратмадим. Майдоннинг ҳолати ҳар иккала жамоа аъзоларининг комбинацион ўйин кўрсатишига имкон бермади. Шунинг учун ҳам ўйин курашларга бой ўйин бўлди ва футболчилар шифокорлар ёрдамига муҳтожлик сезишди. Зоминда шаҳрида биринчи бўлишим. Бу шаҳардаги ширин хотира бир умрга ёдимда қоладиган бўлди, - дейди Миржалол Қўшоқович.