Миржамол Қосимов: "Мухлислар кўз ўнгида мағлуб бўлиш аламли бўлади"

Ушбу баҳсда "аждарлар" тошкентликларни йирик (3:0) ҳисобида мағлуб этиб уйларига 3 очко билан қайтишди. Ушбу учрашувдан сўнг "Обод" клуби футболчиси Миржамол Қосимов ўз фикрлари билан ўртоқлашди.

- Кимдир ғалаба қозонади, кимдир мағлуб бўлади, шунинг учун ҳам бунинг номини футбол деб қўйишган. Ўзинглар ҳам яхши биласизлар, "Насаф" олий лигамизнинг гранд жамоаларидан бири ҳисобланади. Ушбу жамоа чемпионлик учун кураш олиб боради. "Насаф"га қарши бизда тажриба етишмади деб ўйлайман. Ушбу жамоага кейинги учрашувларда омад тилайман. Мухлислар кўз ўнгида мағлуб бўлиш албатта аламли бўлади. Қўлимиздан келганча мухлисларимизни хурсанд қилишга ҳаракат қиляпмиз. Насиб қилса келажакда бизни ҳам юқори поғоналарни эгаллаганимизни шоҳиди бўласизлар", - дейди "Обод" клуби футболчиси Миржамол Қосимов.

Жаҳонгир Сотволдиев