UZ

Сўнгги янгиликлар

01:51Расман: Оле-Гуннар Сульшер истеъфога чиқарилди  1 01:30Отабек Боймуродов: "Ҳар бир рақиб учун алоҳида тайёрланамиз"  1 01:08Конференциялар лигаси саралаши. "Фиорентина"дан суперкамбэк!  0 00:49Ўзбекистон U23 термаси Осиё Кубоги саралаши учун тайёргарликни давом эттирмоқда ГАЛЕРЕЯ  0 00:26"Истанбул Башакшеҳир" миссияни уддалай олмади  52 00:13"Манчестер Юнайтед"нинг асосий футболчиси "Челси"га ўтмоқда!  4 23:56Аёллар ўртасидаги ОЧЛ саралаши. "Севинч" "Ал Насср"ни бурчакдан урилган гол эвазига мағлуб қилди  1 23:33Диёр Холматов: "Европага кетишим шу йиғиндан кейин ҳал бўлади"  7 23:17"Кристал Пэлас" ўз тарихида илк марта еврокубокларда ўйнайди  0 22:50Маҳмуд Маҳамаджонов: "Янги жамоага кўникиш осон бўлди. Энди бор эътибор термага қаратилади"  1 22:19ЕЧЛ. "Реал" Қозоғистонга келади, "Қайрат" Милан ва Лондонга боради: қуръанинг барча натижалари билан танишинг  28 21:54Одил Ҳамробеков: "Ҳозирги мураббийимиз Тимур Кападзе. Унинг қўл остида CAFA турнирига тайёргарлик кўряпмиз"  2 21:17Ўзбекистон термаси йиғинни бошлади ГАЛЕРЕЯ  4 20:45Пол Паркер: "Онана дарвозабон эмас"  3 20:12"Динамо" ҳақ бўлиб чиқди: "Ҳакам қарори нотўғри!"  22

Миржалол Қосимов: "Якуний натижа адолатли" Янгиликлар

Миржалол Қосимов: "Якуний натижа адолатли"

Суперлига доирасидаги "Бунёдкор" - АГМК учрашувидан кейин ташкил этилган матбуот анжуманининг иккинчи қисмида "қалдирғочлар" устози Миржалол Қосимов қатнашди.

- Янги мавсум старт олганидан барча хурсанд. Ўйинга ўзгача иштиёқ билан тайёргарлик кўргандик. АГМК жамоасини қанчалик жиддий рақиб эканлигини билардик. Кумиков Олмалиқда ажойиб ва кучли жамоани шакллантирмоқда. АГМК ҳимояда зич ўйнаб, қарши ҳужумда хавфли ўйнайдиган жамоа саналади. Қолаверса стандарт вазиятларида анча самарадор футбол кўрсатади.

Бугунги ўйиннинг дастлабки бўлимида футболчилардаги ҳис-ҳаяжон ўзимиз ўйлаган ўйинни намойиш этишга тўсқинлик қилди. Бу нарса ўз таъсирини ўтказди. Иккинчи бўлимда жамоамиз ўйини анча ўнгланди. Ўйлашимча, якуний натижа адолатли бўлди. Мени қувонтирган ҳолат бу жамоамиз охиригача курашди. Футболчиларни кўзларида иштиёқни кўрдим. Мавсум энди бошланди. Бизни жуда қизиқарли ва қизғин ўтадиган чемпионат кутмоқда. Ўйлайманки, ўйиндан-ўйинга жамоамиз мухлислар кўришни истаётган футболни жамоамиз иштирокида томоша қилишади.

- Шоҳруҳ Гадоев бугунги ўйин қайдномасига ҳам киритилмагани нима билан боғлиқ?
- Айни пайтда Гадоевга хориждан таклиф мавжуд. Биз бу борада унга қизиқаётган клуб билан музокаралар ўтказмоқдамиз. Тез орада якуний келишувга эришилиши кутилмоқда. Шу боисдан ҳам Гадоев бугунги учрашувда иштирок этмади. Гадоевни жамоага қайтараётганимизда хориждан таклиф бўлса, унда уни қўйиб юборишга келишгандик.

- Дебют ўйинини ўтказган футболчиларга қандай баҳо берасиз?
- Албатта ҳар қандай янги келган футболчига жамоага қўшилиб, кўникиб кетиш учун вақт керак. Назорат учрашувларида уларнинг ҳаммаси яхши таассурот қолдиришган. Аммо расмий ўйин бошқа. Ўйлайманки, янги келган футболчилар тез орада жамоамиз ўйинига киришиб кетишади. Ёшлар ҳақида гапирадиган бўлсам, улар энди бўйниларига масъулиятни оладиган пайт келди. Уларга ёшларга қарагандек муносабатда бўлиш нотўғри.

- Нурматов ҳозирги мавжуд таркибдаги ҳужум чизиғи вакиллари орасидаги тажрибали футболчилар сирасига киради. Аммо бу футболчи кўп вазиятларда тўпни йўқотди, дарвозага аниқ зарба беришда ҳам оқсади. Бу биринчи марта содир бўлмаяпти. Балки машғулотларда ушбу ҳужумчига ўз хатоларини кўрсатиб, унга индивидуаль ёндошиш керакдир...
- Биз машғулотларда барча жиҳатларни инобатга оламиз. Дарвозабонлар, ҳимоячилар, ярим ҳимоя ва ҳужумчиларга ҳам алоҳида дастур бўйича машғулот ўтказилади. Камчиликлар бор ва биз бунинг устида иш олиб борамиз.

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика