Миржалол Қосимов: "Андижон" Суперлигага мос жамоа"

"Ярим финалга чиққанимиздан хурсандмиз. Жуда қизиқарли ўйин бўлди. "Андижон" чиройли, тезкор, мухлисларбоп ўйин намойиш этди. Бу жамоа бемалол Суперлигада ўйнай олади. Кейинги йил "Андижон"ни Суперлигада кўрамиз деб ўйлайман.

Албатта, бу ўйин тарихга кирди. Энди кейинги ўйин ҳақида ўйлашни бошлаймиз. 23 сентябрь куни "Локомотив" билан ўйнаймиз. Суперлигада энди ҳар бир баҳс муҳим бўлади", - дейди Миржалол Қосимов.  

"Тўғриси мана шундай қийин ўйин бўлишини кутгандик, "Андижон" бизга етарлича қаршилик кўрсатди. Бу ҳисобда ҳам акс этди. Фақатгина таржиба эвазига ғалаба қозонишнинг ўзи етарли эмас", - дейди Рустам Ашурматов.

- "Андижон"нинг бугунги ўйини Суперлига даражасига тортади деб ўйлайсизми?
- Ҳозиргина айтиб ўтдим-ку. Агарда Суперлигада 16та клуб бўлганида улардан бири "Андижон" бўларди. Ўзи водийда ҳар доим қийин ўйинлар ўтказиб келганмиз.

- "Бунёдкор" ҳисоб 2:1 бўлиб турганида ҳужумкорликни оширмади. Натижани сақлаб қолишга ишонганмидинглар?
- Мезбонларнинг йўқотадиган нарсаси йўқ эди. Улар ҳаракат қилиб кўришди. Ўйин тизгини бизда эди. Рақиб узун паслар билан бизга қийинчилик туғдиришга уринди. Охриги дақиқаларда "Андижон" битта яхши имкониятга эга бўлди, аммо гол бўлмади. Шу билан бирга бизда ҳам бир неча бор гол урадиган вазиятлар бўлди.