"Милан" Хамесни таркибга қўшиб олишни истамади

"Tuttosport" хабарига кўра, Италия клуби футболчини таркибига қўшиб олишдан бош тортган. Олдинроқ "Эвертон" футболчининг хизматларини "Милан"га таклиф қилгани борасида маълумотлар берилганди. Шу пайтда Мерсисайд клуби раҳбарияти футболчи учун жамоа излашда давом этмоқда. Колумбиялик хавбек "Челси"га ўтиши ҳам мумкин.

Хамес 2020 йили "Реал"дан "Эвертон"га эркин агент сифатида ўтганди. Ўтган мавсумда у жамоаси таркибида 23 ўйинда қатнашиб, 6 гол ва 5 ассист қайд этди. Футболчи янги мавсум арафасида Рафаэль Бенитеснинг режаларига мос тушмаётгани боис жамоасини ўзгартириши кутилмоқда.