"Милан" Гаттузо билан келишувни узайтирмоқчилигини тасдиқлади

Клуб расмий сайти мураббийнинг келажагига боғлиқ хабарни чоп этди. Амалдаги шартнома жорий мавсум охирида якунига етади.

"Охирги тўққизта ўйиндан бештаси сафарда, Италия кубогидаги қўшимча бўлимлар ва Асторининг ўлимидан кейинги руҳий зарбадан сўнг шартномани узайтириш борасидаги музокаралар муҳим. "Россонерлар" 2018 йилни тўртинчи ўриндан 14 очко ортда қолган ҳолда бошлади, энди эса олтинчи ўриндамиз ва Италия кубоги финалига чиқдик. Бу Гаттузо ва футболчиларнинг улкан мехнатидан далолат. Шу сабаб, мураббий билан шартномани узайтириш биринчи планга чиқишга ҳақли", - деб ёзди клуб матбуот хизмати.