“Металлург” Туркиядаги йиғинини бошлади

Клуб аъзолари Тошкентнинг “Пахтакор”, Фарғонанинг “Нефтчи” жамоалари билан биргаликда чартер рейс орқали кўзланган манзилга ўз вақтида етиб боришди. Бекободликлар Белек шаҳридаги “Атлантис” меҳмонхонасига жойлашишди ва куннинг иккинчи ярмида енгил машғулотлар билан чекланишди.

Эртадан эътиборан икки маҳалдан машғулотларга киришилади. Хориж йиғини икки ҳафтага режалаштирилган бўлиб, бир қатор назорат учрашувлари ўтказилиши ҳам кутилаяпти. Дастлабки ўйин ўзбекистонлик ишқибозларга яхши таниш бўлган “Акжайик” жамоасидир. Ундан кейин Ироқ жамоаларидан бирига қарши ўйнаймиз. Қолган рақиблар ҳақида эса кейинги репортажларимизда маълумот берамиз.

“Металлург” Туркия сафарига 23 нафар футболчи ҳамда мураббийлар гуруҳи билан ташриф буюрган.

Йиғинга жалб этилган таркиб қуйидагича:

Дарвозабонлар: Суҳробжон Султонов, Зафар Сафоев.

Ҳимоячилар:  Давронбек Каримқулов, Ҳикмат Ҳошимов, Достонбек Турсунов, Вусол Магерамов, Мирғиёс Сулаймонов, Камронбек Копадзе, Жасур Аҳмедов.

Ярим ҳимоячилар: Алишер Зиёвуддинов, Фарҳод Намозов, Жаҳонгир Абдумўминов, Санжар Қодирқулов, Аюбхон Нўъмонов, Дониёр Одилов, Дилмурод Каримов, Муроджон Тошматов, Муҳаммадодил Қаҳрамонов, Умид Раҳимов.

Ҳужумчилар: Зоҳид Абдуллаев, Дониёр Исмоилов, Ислом Исоқжонов, Зуҳрилло Бобоев.

Мураббийлар: Рустам Мирсодиқов, Шавкат Саидов, Февзи Давлетов, Абдуқаҳҳор Маъруфалиев, Аҳмад Убайдуллаев, Алишер Аҳмедов. Админстратор – Жамшид Мирабдуллаев. Массажчилар - Данил Коршунов, Радион Саричев. Шифокор – Ислом Абаев. Техник директор – Баҳодир Тойметов.

"Металлург" матбуот хизмати