“Металлург”: “Бухоро” билан учрашувга тайёргарлик давом этяпти

“Бухоро”га қарши ўтказиладиган мазкур учрашув ушбу жамоаларнинг ўзаро 36-ўйини бўлади. Ортда қолган 35 та ўйиннинг 17 тасида “Металлург” ғалаба қозонган бўлса, 14 та учрашувда “Бухоро”нинг қўли баланд келган. 4 та ўйинда эса дуранг натижа қайд этилган. Тўплар нисбатида устунлик “Металлург” томонида: 49:48. “Металлург”нинг “Бухоро” устидан қозонган энг йирик ғалабаси 3:0 га тенг бўлса, “Бухоро”нинг бекободликлар устидан эришган энг йирик ғалабаси – 4:0.
Мазкур жамоаларнинг Бекободда ўтказилган ўйинларида “Металлург” тўлиқ устунликка эга бўлиб келмоқда. Фақатгина ўтган йили бухороликлар биринчи марта сафардан ғалаба билан қайтишди. Унгача “Бухоро” Бекободдаги 15 та учрашувни бой бериб, бир марта дуранг ўйнаганди.

Мамлакат XХVI миллий чемпионатининг 23-туридан ўрин эгаллаган “Металлург” – “Бухоро” жамоалари учрашувида андижонлик ҳакамлар бригадаси фаолият олиб боришади. Бош ҳакам Тимур Тўхтасиновга қанотларда Анваржон Маражабов ҳамда Зиёдулло Абдураҳмоновлар ёрдам беришади.

Заҳирадаги ҳакам қаршилик К.Расулов бугун ёшлар таркиблари ўртасидаги ўйинда бош ҳакам вазифасини ўтаб беради. Ёшлар биринчилигида кучли учталикда бораётган бекободликларга бугун дисквалификация боис Улуғбек Худоёров ҳамда Зуфаржон Акбаралиевлар ёрдам бера олмайди.


«Металлург» (Бекобод) – «Бухоро» (Бухоро)
Ҳакамлар: Т. Тўхтасинов (Андижон), А. Мараджабов (Андижон), З. Абдурахмонов (Андижон), К. Расулов (Қарши)
Назоратчи: Р. Серазетдинов (Тошкент).
ЎзПФЛвакили: Р. Черников.