Мертенс: “Агар улар мен билан шартномани узайтирмаса, жамоани табассум билан тарк этаман”
21 дек 2021 09:45
Янгиликлар

Мертенс: “Агар улар мен билан шартномани узайтирмаса, жамоани табассум билан тарк этаман”

“Наполи” ҳужумчиси Дрис Мертенс жамоадаги келажаги ҳақида фикрлари билан ўртоқлашди. Унинг клуб билан шартномаси мавсум охирида якунланади.

“Битимда келишувни узайтириш банди бор. Нима бўлишини кўрамиз. Ҳар сафар айтганман, бу ерда 9 йилдан бери бахтиёрман. “Наполи”га боримни берганман, улар эса ўз навбатида мен ҳақимда қайғуришди.
Умид қиламанки, бу ерда ўйнашни давом эттираман, аммо агар вазият бошқача бўлса, у ҳолда бир-биримизга қўл бериб, мен барчаси учун миннатдорчилик билдираман ва табассум билан кетаман”, дейди бельгиялик.

34 ёшли форвард 2013 йилдан бери неаполликлар шарафини ҳимоя қилиб келмоқда. У жорий мавсум А Серияда 12 ўйинда қатнашиб, бешта гол урди. Европа Лигасида эса Мертенс 4 баҳсда бир бор рақиб дарвозасига тўп киритди.

Ҳавола :

Манба : Football Italia

Янгиликларни Телеграмда ўқинг!

Рейтинг: +3