Мендеш де Хеанинг шартномасини узайтириш учун Манчестерга келди

Narzulla Saydullayev

11 сен 2015, 09:30

Британиянинг The Daily Mail нашри берган хабарга кўра, “Манчестер Юнайтед” клуби жамоа дарвозабони Давид Де Хеа билан янги шартнома имзолашга яқин турибди.

Шу мақсадда испаниялик кипернинг агенти Жорже Мендеш “МЮ”нинг Каррингтондаги базасига етиб келди.

Бугун бош мураббий Луи ван Гал ва клуб раҳбарияти билан де Хеанинг келаси йил ёзда якунига етадиган шартномасини узайтириш бўйича музокаралар бошланади. Маълумотларга қараганда, дарвозабон янги келишувга биноан йилига 4 миллион фунт стерлинг маош олади.