Мбаппе "Реал"га ўтишга рози бўлди, у дунёнинг энг кўп маош оладиган футболчисига айланади

Манбанинг хабарига кўра, француз форварди ёзги трансфер ойнасида янги жамоа сафига қўшилади.

Мадрид клубида Мбаппе йилига 50 миллион евро олади ва дунёнинг энг кўп маош олувчи футболчисига айланади.

Хабар қилинишича, ҳужумчи ПСЖ билан шартномани узайтиришдан бош тортган ва 2022 йилнинг ёзида эркин агент сифатида "Реал"га ўтишни режалаштирган.

23 ёшли футболчи жорий мавсумда парижликлар сафида Лига 1'да 20 та ўйинда майдонга тушиб, 10 та гол урди ва 5 та голли узатмани амалга оширди. Футболчининг трансфер нархи 160 миллион еврони ташкил қилади. Мбаппенинг ПСЖ билан шартномаси 2022 йилнинг июнида якунига етади.