Европада мавсумнинг энг яхши футболчиси совринини "Реал" ҳужумчиси Криштиану Роналду қўлга киритди.
55 нафар ҳакамнинг 40 нафари "Қироллик клуби" ҳужумчиси учун овоз берган. "Атлетико" футболчиси Антуан Гризманн 8 та, "Реал" ярим ҳимоячиси Гарет Бэйл эса 7 та овозга эга бўлишди.
Ҳакамлар УЕФАга аъзо 55 мамлакатдан танланди (ҳар бир мамлакатдан бир нафар). Ҳакамлар фақат журналистлардан иборат эди. Журналистлар махсус электрон тизим орқали жонли эфирда овоз беришди.
