Март ойида ўғрилар Терри уйидан Гарри Поттерни олиб чиқиб кетган экан
28 июл 2017 13:56
Янгиликлар

Март ойида ўғрилар Терри уйидан Гарри Поттерни олиб чиқиб кетган экан

Шу йилнинг март ойида "Астон Вилла"нинг янги ҳимоячиси Жон Терри уйида содир бўлган ўғирлик тафсилотлари маълум қилинди.

Ўшанда футболчи "Челси" шарафини ҳимоя қиларди. Терри оиласи билан тоққа чиқиб кетганида, ўғрилар уларнинг уйига кириб, қимматбаҳо буюмларни олиб чиқиб кетишган. Тўрт ойдан сўнг жиноятчилар нималарни олиб кетгани маълум бўлди.

Ўғрилар уйдан 219 минг фунтлик Cartier заргарлик буюмлари, 61 минг фунтлик узук, 18 минг евролик Гарри Поттернинг биринчи нашри, бир неча жуфт дизайнерлик соат ва сумкаларини олиб ўмариб кетишган экан. Умумий йўқотиш - 400 минг фунт.

Яқин вақт ичида суд видеокамералар ёрдамида қўлга туширилган 5 нафар ўғрига нисбатан қарор чиқаради.

Ҳавола :

Манба : Mirror

Янгиликларни Телеграмда ўқинг!

Рейтинг: +4