Марсело Гальярдо: "Эртага кучли жамоага қарши қийин ўйин кутиб турибди"
21 фев 23:21
Янгиликлар

Марсело Гальярдо: "Эртага кучли жамоага қарши қийин ўйин кутиб турибди"

ОЧЛ 1/8 финали жавоб учрашувидан ўрин олган "Ал Иттиҳод" — "Навбаҳор" учрашувидан олдин мезбонлар бош мураббийи Марсело Гальярдо ва футболчи Абдулраззоқ Ҳамдаллаҳ матбуот анжуманида иштирок этди.

"Ҳаммамиз эртанги ўйинни бесабрлик билан кутяпмиз.
Ҳозирча бошланғич таркибни аниқлаганимиз йўқ, бугунги машғулотлардан сўнг беш нафар хорижлик футболчи номини аниқлаймиз.
Эртанги ўйин худди биринчи ўйиндагидек сценарий бўйича ўтади ва биз учрашув бошидан ўз назоратимизни ўрнатишга ҳаракат қиламиз.
Биз ижодикорлик ва ҳужумкор қарорлардан ташқари тезлик ва тезкор узатмаларга таянамиз.
Биз ҳужумлар ташкиллаштиришимиз, учрашув давомида мутлақ устунликка эришишимиз керак ва эрта гол уришга интиламиз. Жамоамиз ҳамиша мухлисларннг қўллаб-қувватлашига муҳтож.
Эртага кучли жамоага қарши қийин ўйин бўлиши табиий ва биз ғалаба учун курашамиз. Охирги ўйиндаги дуранг ва бўлажак беллашувга жароҳатларсиз етиб келишимиз яхши ҳолат саналади", — деди аргентиналик мутахассис.

Эслатиб ўтамиз, "Ал Иттиҳод" — "Навбаҳор" учрашуви 22 февраль куни Тошкент вақти билан соат 21:00 да бошланади.

Ҳавола :

Манба : championat.asia

Янгиликларни Телеграмда ўқинг!

Рейтинг: