Мануэль Нойер: "Буффон барчага ва шахсан менга катта ўрнак бўлган"
22 фев 2016 22:05
Янгиликлар

Мануэль Нойер: "Буффон барчага ва шахсан менга катта ўрнак бўлган"

Европа чемпионлар лигаси 1/8 финал босқичи доирасидаги "Ювентус" - "Бавария" қарама-қаршилиги олдидан мюнхенликлар дарвозабони Мануэль Нойер ўз фикрлари билан ўртоқлашди.

- Жижи Буффон жуда кўп йиллардан буён юқори савияда ўйнаб келмоқда. Бу шунчаки фантастика. Мен Буффоннинг ЕЧЛ доирасидаги ва Италия терма жамоасидаги ўйинларини кузатиб келаман. Буффон ҳеч қандай муболағасиз ўсиб келаётган ёш авлодга ўрнак ҳисобланади. Шахсан мен учун ҳам Буффон катта ўрнак бўлган. Буффон ҳали ҳам юқори савияда ўз дарвозасини ҳимоя қилмоқда. Мен уни ҳали ҳисобдан чиқара олмайман. Унга қарши яна тўқнаш келаётганимдан хурсандман. Биз Жижи билан яхши танишмиз. Бир-биримизни жуда ҳурмат қиламиз. Мен ҳам Буффонга ўхшаб 40 ёшгача ўйнай оламанми? Билмадим. Бу каби мақсадларни ўз олдинга қўйишинг қийин. Мен ҳозир 29 ёшдаман. Бу ерда ҳамма нарсани инобатга олиш лозим. Ҳар қандай футболчи ўз жисмоний ҳолатидан келиб чиқиб қарор қилади. Ҳозирча жисмоний ҳолатим яхши. Лекин 4-5 йилдан сўнг нима бўлишини билмайман.