"Daily Mail" маълумотига кўра, манкунианликлар спорт директори Жон Мерто шу ойда Саудия Арабистонига борган ва бир қанча футболчиларининг сотуви борасида маҳаллий клублар билан музокаралар ўтказган. Футболчилар қаторида Жейдон Санчо, Рафаэль Варан, Антони Марсьяль ва Каземиро каби номлар қайд этилган.
Бироқ Мерто бирор клуб билан келиша олмаган, музокаралар эса кейинроққа белгиланган. Январь ойида МЮ катта маош олаётган бир қанча футболчиларини сотиб юбориш ниятида бўлиб турибди. Улардан энг асосийси - Санчо.
Шунингдек, Варан, Каземиро ва Марсьяль борасидаги таклифлар ҳам ўйлаб кўрилади.
