"Манчестер Юнайтед" Андре Онанага рақобатчи сотиб олмоқчи
04 ноя 2023 12:55
Янгиликлар

"Манчестер Юнайтед" Андре Онанага рақобатчи сотиб олмоқчи

"Манчестер Юнайтед" "Порту" дарвозабони Диогу Коштани трансфер қилиш имкониятини жиддий кўриб чиқмоқда, деб хабар берди "Fichajes".

"Қизил иблислар" 24 ёшли португалияликнинг нархидан чўчигани йўқ. Гап 50 миллион евро ҳақида бормоқда.

"Манчестер Юнайтед"да янги дарвозабон излаш учун бир қанча сабаблар бор. Биринчидан, Андре Онана "Олд Траффорд"даги фаолиятининг илк ойларида кўп хатоларга йўл қўйди. Эҳтимол, бу у рақобатни ҳис қилмаётгани сабаблидир. Иккинчидан, Камерун терма жамоаси мураббийи билан муносабатлари ёмон бўлишига қарамай, Онана январь ойида бир ойга Африка Миллатлар Кубогига жўнаб кетиши мумкин.

Эслатиб ўтамиз, ёзда "Манчестер Юнайтед" 12 мавсумни клубда ўтказган Давид де Хеа билан шартномани узайтирмасликка қарор қилган эди.

Ҳавола :

Манба : Fichajes

Янгиликларни Телеграмда ўқинг!

Рейтинг: +1