Маҳаммаджонов “Шўртан”да ўйнайди

Айни пайтда мураббийлар ихтиёрида тенг кучга эга бўлган иккита таркиб мавжуд. Маҳоратли ҳимоячилардан бири Қаҳрамон Маҳаммаджонов захира ўриндиғида қолишни истамаганлиги боис бошқа жамоага ўтишга қарор қилди.

Ҳимоячимиз куни-кеча Ғузорнинг “Шўртан” клуби сафига қўшилиш мақсадида Тошкентга жўнаб кетганди. Маҳаммаджонов ғузорликлар сафида мавсум якунига қадар ижара асосида тўп суради. Қаҳрамон чемпионат бошланиши арафасида  Самарқанднинг “Динамо” клубига ўтиб кетган тажрибали ҳимоячи Асрор Алиқуловнинг ўрнини эгалашини эҳтимоли юқори. Бу йилги мавсумни биринчи лигада ўтказадиган “Шўртан” жамоаси бир йиллик танаффусдан кейин яна кучлилар сафига қайтишни мақсад қилганлигини қўшимча қилиш жоиз. Фурсатдан фойдаланиб, Маҳаммаджоновнинг “Шўртан”даги фаолиятига омад ёр бўлишига тилак билдириб қоламиз.