UZ

Сўнгги янгиликлар

18:59"Арсенал" "Барселона" ярим ҳимоячиси учун курашга қўшилди  0 18:52"Навбаҳор", "Динамо", "Бухоро"га жарима ва яна кўплаб қарорлар – Тартиб-интизом қўмитасининг навбатдаги йиғилиши тафсилотлари  4 18:29Эшитдик-да! Жамшид "Нефтчи"дан "Навбаҳор"га қайтмоқда  6 18:15"Арсенал" мухлислари Мадуэке трансферига қарши чиқишмоқда  3 17:46Абрамов, Алибоев, Неъматов ва Сергеев — Суперлигада 1-давранинг энг яхшилари  1 17:20Месси "Барселона" учун хайрлашув учрашувини янгиланган "Камп Ноу"да ўтказади  3 16:52Пенальтилар статистикаси: Биринчи даврада ким кўп пенальти тепди ёки умуман нуқтага ҳам яқинлашмади?  0 16:24Пулишич Саудия Арабистонига йўл олиши мумкин  3 15:57Ресан, Ратиньо, Цигер... Суперлиганинг 1-давра легионерлар рамзий терма жамоаси  4 15:42"Байер" ақшлик футболчини 35 млн еврога харид қилди  0 15:17Расман: Пиоли янги жамоасини қабул қилиб олди  0 14:29Сергеев, Дориев, Мозговой... Суперлиганинг 1-давра рамзий терма жамоаси  7 14:16Шойқулов "Андижон"дан кетди  2 13:46Итальян клуби Санчо учун МЮга 10+5 млн евро таклиф қилди  1 13:17"Ювентус" Рэшфорд билан шартнома имзоламоқчи  1

Любинко Друлович: “Ўзбекистон учун янги тарих яратишга яқин турибмиз” Янгиликлар

Любинко Друлович: “Ўзбекистон учун янги тарих яратишга яқин турибмиз”

Хабарингиз бор, эртага футбол бўйича Ўзбекистон ва Саудия Арабистон Олимпия терма жамоалари Таиландда бўлиб ўтаётган Осиё чемпионатининг ярим финали доирасида ўзаро баҳс олиб боришади.

Бугун мазкур баҳс олдидан ҳар икки терма жамоа бош мураббийлари иштирокида матбуот-анжумани бўлиб ўтди.

“Бу ҳар икки жамоа учун ҳам муҳим ўйин. Ярим финалга энг кучли жамоалар етиб келишган. Биз Саудия Арабистони жамоаси билан тўқнаш келамиз. Бу жамоада жисмоний ва техник жиҳатдан кучли ўйинчилар бор. Биз уларни яхши биламиз. Насиб қилса, бор эътиборимизни мазкур ўйинга қаратамиз”, – деди Любинко Друлович.

– БАА билан ўйинда биз бир кун кўпроқ дам олган эдик. Бу гал аксинча. Бу натижага таъсир қилиши мумкинми?
– Ўйлайманки, биз ўйинга тайёрмиз. Жисмоний тайёргарлик бўйича мутахассис ва шифокорларимиз катта иш олиб боришмоқда. Гапингиз тўғри, рақиб биздан бир кун кўпроқ дам олади. Шифокоримиз менга барча йигитлар ўйинга шай бўлишини таъкидлади.

– Ўтган учрашувда Ўзбекистон 5:1 ҳисобида ғалаба қозонди. Бу жамоанинг ўйиндан ўйинга ўсаётгани ва яхши спорт формасига чиқаётганини англатадими?
– Ҳа, ҳақиқатдан ҳам ўйинимиз секин-аста яхшиланиб бормоқда. Лекин эртанги ўйин осон бўлмаслиги аниқ. Айтиб ўтганимдек, саудиялик футболчилар анча кучли. Ўз ўйинимизни кўрсата олсак, балки БААдагидек 4-5 та гол урмасмиз. Аммо якунда мақсадимизга ета олишимизга ишонаман.

– Асосий таркиб ўйинчиларини алмаштирмай майдонга тушириш эртанги ўйинда қийинчилик туғдирмайдими?
– Бир жиҳатга урғу бермоқчиман: қайси футболчилар жисмоний жиҳатдан ўйинга тайёр бўлса, шуларни танлайман. Майдонга тушадиган йигитлар ўйинга яқин қолганда аниқ бўлади. Бугун футболчиларнинг ҳолатини кўздан кечириб оламиз.

– Мусобақада ғолиб чиқиш мушкул вазифа. Чемпион унвонини ҳимоя қилиш қанчалик қийин?
– Олдиндаги ўйинлар биз учун қийин ва масъулиятли. Қўл остимдаги йигитлар билан финалга чиқишимизга ишонаман. Биз бор кучимиз билан ҳаракат қиламиз. Ҳозирда Ўзбекистон учун янги тарих яратишга яқин турибмиз. Мазкур ўйинда ғалаба қозониб, Токио-2020 Олимпия ўйинларига йўлланма олишни мақсад қилганмиз.

– Яқинда Миллий терма жамоамиз айнан Саудия Арабистони билан ўйнаб, аламили мағлубиятга учраган эди. Эртага ўша хатоларни такрорлаб қўймаймизми?
– Футболчиларимиз майдонда бор кучини намойиш этса, ҳар қандай рақибни мағлуб этиш мумкин. Эртангги ўйин умуман бошқа. Унда
биз фақат ғалаба учун майдонга тушамиз.

Рейтинг: +70   

Фикрлар

championat.asia
< сўнгги янгиликларни кўриш
Яндекс.Метрика