Луисма Эрнандес: "Металлург" мен хоҳлаган ўйинни кўрсатмоқда"

- Ўйин ҳақида

- Мавсумдаги биринчи учрашув тўқнашувларга бой тарзда кечди. Жамоамиздаги янги футболчилар билан ишлашда жисмоний тарафлама озроқ қийинчиликка учрадик. Умуман олганда, ўйин яхши бўлди. Пенальтидан урилган гол эвазига зафар қучдик. Ғалабадан шодмиз.

- Жамоанинг мақсад-вазифалари ва ўз режаларингиз билан ўртоқлашсангиз...

- Асосий мақсад – иложи борича кўпроқ очко олиш ва чемпионатда юқорироқ ўринни эгаллаш. Яхши жамоа шакллантиришга ҳаракат қиляпмиз. 

- Таркибга янги келиб қўшилганлар (жумладан, Фозил Мусаев, Шоҳназар Норбеков)дан кўнглингиз тўлдими?

- Ўйинчилардан кўнглим тўқ. Туркиядаги йиғинда ўз ғояларимни сингдиришга уриндим. Жамоа ("Металлург" – таҳр.) мен хоҳлаган ўйинни кўрсатмоқда. 

- Жамоангиз бир киши кўп бўлиб ўйнаганига қарамасдан, иккинчи тайм бошланганидан тахминан 15 дақиқа ўтиб, назоратни тўлиқ рақибга бериб қўйди. Бунинг сабаби нимада?

- Иккинчи таймда тўпни назорат қилиб, натижани ушлаб қолишни ва қарши ҳужумда ўйнашни мақсад қилгандик.