Лопетегининг фикрича, Испания терма жамоасининг ўз стадиони бўлиши керак

"Шанба куни Италия билан баҳсда "Сантьяго Бернабеу"даги мухлисларнинг қўллаб-қувватлашини ҳис қилдик. Бу биз учун фантастик кеча бўлди. Ишқибозлар, стадион - ҳаммаси ижобий бўлди. Улар рақибларимизнинг ишончини пасайтирди. Масалан, "Уэмбли"да Англияга қарши ўйнасангиз - уларга ҳавас қиласиз. Бироқ қийин паллада сизга туртки бўладиган стадионга умид билдирасиз.

Испания терма жамоасининг ўз стадиони? Бу тўғри савол. Мураббий сифатида "Уэмбли" ёки "Стад де Франс" ареналарига миллий жамоаларнинг уйи сифатида қарайман. Шунга интилиш керак" - дейди Лопетеги.