"Локомотив"га нима бўлди?

"Темирйўлчилар" янги мавсумда ҳозиргача жами 7та расмий баҳсда майдонга тушишди ва шуларнинг ярмидан кўпида мағлубиятга учрашди.

"Локомотив"нинг янги мавсумдаги статистикаси қуйидагича:
7 ўйин, 2 ғалаба, 1 дуранг ва 4 мағлубият.
Тўплар нисбати: 12-10.

Мирко Йеличич ва Андрей Микляев тандеми остидаги жамоа ОЧЛда 3та мағлубиятни қабул қилишган бўлса, Суперлигадаги илк мағлубият Намангандаги баҳсда содир бўлди. Шунингдек, жамоа Суперлига доирасидаги яна бир учрашувда дуранг қайд этганди. "Локомотив"нинг иккита ғалабасидан бири Навоийда "Қизилқум" устидан қўлга киритилган бўлса, мавсумдаги илк ўйинда ОЧЛ доирасида "Ал Ваҳда" Тошкентда таслим этилганди.

"Темирйўлчилар" ўтказилган охирги 4 учрашувдан 3тасида мағлубиятга учрашган бўлса, битта дуранг ўйнашди. Жамоанинг охирги ғалабаси баҳорнинг илк кунида қўлга киритилганди. Шу тариқа "Локомотив"нинг ғалабасиз серияси 4 ўйинга етди.

Амалдаги чемпион айни пайтда Ўзбекистон Суперлигасида 3-турдан кейин 4 очко жамғарган ҳолда 6-ўринни банд этиб турибди. ОЧЛда эса жамоа 4-турдан сўнг ўз гуруҳида 3-поғонада бормоқда.

Мураббий имзоси

Маҳорат ёки танқидлардан ҳимояланиш формуласи

Андрей Микляев: "Истеъфо ҳақидаги савол менга эмас"